ana mosh sa3eed...ana mosh happyالعفاريت !!!!!!
محمود صلاح الدين
محمد علي محمد عبداللطيف
نفسى اعرف حاجه واحده.....كلاهما يقال انه مريض نفسى..الاول طـــار على 3 كنائس فى ظرف دقائق
و الثانى قتل 3 عائلات مره واحده من غير ما حد يشوفه!!؟
هل يمنح المرض النفسى المصاب به قوه خارقه للعاده ؟؟؟ كأن يطلع له جناحين مثلا...أو يتمتع بالقدره على اخفاء نفسه من عيون البشر ؟؟؟
العته الذى اصابنى منذ حادثه ميدان التحرير الشهيره....فاكرين الشخص الذى اما ان يكون قد قفز من فوق الكوبرى...أو قذف القنبله فقط لتسقط فوق دماغ خلق الله...أو قرر ان يربط القنبله حول رأسه و يقفز من فوق الكوبرى...برضه على خلق الله لتنفجر رأسه - كما اوضحت الروايه الرسميه - يوضح ان هذه البلد اضحت بلدا للظواهر الخارقه للعاده.....و المعاتيه !!؟
وعلى المتضرر من ذاك الوضع التوجه لله رب العالمين
و السؤال...هل من الممكن ان يكون واحد من اهل هذه البلد - المعاتيه - حاكما للبلاد فى يوم من الايام !!؟ الاجابه بالطبع لا و ده يفسر سبب عدم وجود نايب حتى الان..و حرصا على مصلحه البلاد و العباد . وقانا الله و اياكم شر العته .!؟
انا مش سعيد
posted by Ana mosh sa3eed. @ 4:41 AM
1 Comments:
At 4:23 PM,
GoGa said…
انا معاك هنا وأضم صوتي لصوتك وأقول أنا مش سعيده خالص
ايه اللي بيحصل ده معقوووول خلاص البلد كلها بقت مجنونه والناس كلها مختله عقليا حتي لو ليهم حق والله ماهو من اللي بيشوفوه
بس كفايه بقي حكايه المختلين دي وسعت منهم اوي وبقت بايخه مايواجهوا الواقع بقي ويقولوا الحقيقه كفاياهم كدب تعبناوصحينا من الغيبوبه خلاص
Post a Comment
<< Home